Sermip aakkiartornerata uppernarsaatit pisoqqat qulaarpai

Silap allanngoriartornerata kingunerisaanik kiisami ajunngitsumik pisoqarpoq. Tassami sermip aakkiartornerata ukiut tuusintillit arlaqaqisut matuma siornatigut inuit inuunerannut uppernarsaatit qulaarpai.
Silap pissusiata allanngoriartornera qanganisarsiuunut ulapitsitsivoq. Assi © : Dr._Colleen_Morgan / Flickr
Allattoq Marianne Stenbæk, Montreal, Canada
aggustip 29-at 2019 08:28
Nutserisoq Per Rosing

Yukonimi aamma Nordvest territoriami nunap inoqqaavisa atortui ukiuni untrilikkaani ilaatigullu tuusintilikkaani sermimit matuneqarsimapput.

Massakkut sermip annertuup aamma nunap qeriuaannartup aattorneratigut atortut qulaarneqarput. Pingaartumik qarsut naqqui naalikkallu tuukkaat aasaq manna nassaarineqarput.

Aammalu norsaq ukiunik 4500 missaannik naaligarlu qisummit sanaaq ukiunik 9400 missaannik pisoqaassusillit nassaarineqarput.

Atortut qaqqat avannamut sivingarnini tuttullu anaasa eqqaanni nassarineqarajupput.

Tamakku tammaqqitsinnagit itsarnisarsiuut katersillutik aasaq manna ulapaarsimaqaat.

Itsarnisarsiuut nunap inoqqaavisa ukiut tuusintilikkaat qanoq piniartarsimanerannik paasinninnissaannut nassaarineqartut iluaqutaapput.

Nassaat ilaat atuarfinni meeqqanut takutinneqarsimapput, siulimik qanoq inuusimanerannik paasinnissinnaaneroqqullugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq