Sermimerngit ilisimatuut paggappaat

Qillerineq naammassingajalerpoq, sermimerngillu pilerigineqartorujussuusut atuagassiami Ingeniørinimi allaaserineqarpoq.

Sermimineq 108 millimeterimik silissuseqarpoq, meterinik pingasut/-sisamanik takissuseqarluni. Sermimineq tamavimmi nalunaarsorneqareerpat -ilisimatusarnerni assigiinngitsuni arlalissuarni atorneqartussanngussaaq.

Sermimerngit iluserluttunngornerat kaajallakkiartorsimanerallu ilisimasallit misissoraangamikku sermip pissusaa annerusumik paasisaqarfigisarpaat.

Sermip ilaa aatsillugu akuisa nunatta silaannaanut qanoq ilillutik pisimanerat paasisaqarfiusinnaavoq. Sermimineq aatsitaq aamma sermip qanoq pisoqaatigineranik paasiniaanermut atorneqassaaq.

Imermi pinngoqqaartut ilaat immikkoorutillit qanoq annertutiginersut aamma uuttortarneqassapput. Taakku misissornerisigut silaannaap, nittaannerata nalaani, kissassusaa paasineqarsinnaavoq. Silaannaap kissassusaata allanngorarnera taama misissuinikkut paasisaqarfigineqarsinnaavoq.

Silaannaq sermimi pullartaniittoq allaat misissorneqassaaq. Gassinimmi assigiinngitsunik akoqarpoq.

Sermimerngilli tamarmik misissorneqassanngillat. NEEM-imi qillerinermeersut ilaat serminut toqqorsivimmut Københavnimiittumut toqqorneqassapput.