Sermiligaami angut nakuuserlunilu sioorasaarisimasutut tigusarineqartoq
Taanna Tasiilap eqqartuussiviani ullumi sassartinneqassaaq.
Angut nunaqarfimmi Sermiligaami arfininngornermi ullaaralaaq tallimanut qiteqquttoq tigusarineqarpoq. Nunaqarfimmi illumi inummut allamut nakuusersimasutut sioorasaarisimasutullu unnerluutigineqarpoq.
Allattoq Christine Hyldal
juunip 08-at 2025 10:51
Nutserisoq Karla Heilmann
Angut 40-t missaani ukioqartoq ullorornerani Tasiilami eqqarstuussivimmi sassartinneqassaaq.
Taamak Kalaallit Nunaanni Politiit pigaartuisa pisortaat Politi Malik Olesen paasissutissiivoq.
Angut nunaqarfimmi Sermiligaami arfininngornermi ullaaralaaq tallimanut qiteqquttoq tigusarineqarpoq. Nunaqarfimmi illumi inummut allamut nakuusersimasutut sioorasaarisimasutullu unnerluutigineqarpoq.
Avinngarusimasuni soorlu Sermiligaami pinerluttoqarsimatillugu, sumiiffimmi kommunefogedi orniguttuusarpoq, taava kingorna politeeqarfik qaninnerpaamiit silaannakkut immakkulluunniit orniguttoqartarpoq.
Politiit Tasiilameersut ippassaq Sermiligaamut apuukkamik misissuineq aallartippaat, angut tigusarineqarpoq, ullororneranilu sassartinneqartussanngorpoq.
