Sermikullarujussuaq kaanngarsimavoq

Amerikamiut avataarsualiartitsisarfiata, NASA-p, qaammataasakkut assilisaanni, takuneqarsinnaavoq, sermikullarujussuaq juulip ulluisa arfernganni kaanngarsimasoq.

Sermersuaq taamaalilluni 1,5 kilometerimik ullup ataatsip ingerlanerinnaani millisimavoq. Taama angitigisumik kaanngartoqartarnera nalinginnaasuugaluarpoq, ilisimatuulli nalunaaquttap akunnialunngui qaangiutiinnartut paasimmassuk tupinnaqaaq.

Ukioq silap kiannera sermip kaanngarneranut pissutaavoq, immallu kissatsikkiartornera pissutaalluni sermip aakkiartorneranik oqalunneq ilumoortortaqartoq taamaasilluni paasinarsivoq.

Sermikullassuup kaannganngitsiarnerani sermeq nuttarneqarlunilu quppaqartoq amerikamiut avataarsualiartitsisarfiani ilisimatuut takusinnaasimavaat.

Ilulissat kangerluani sermeq ukiut 160-it kingulliit ingerlaneranni kilometerinik 45-t missaannik sinerissamiit ungasillisimavoq, kilometerit qulit ukiuni qulikkuutaani kingullerni pisimallutik.

Immap nunarsuup affaani avannarlermi qaffakkiartorneranut Ilulissat kangerluanni sermip aakkiartornera pissutaasorineqarpoq.