Sermersuup whisleblowerimik aaqqissuussiniarnera Transparency Greenlandip ilassilluarpaa

 Transparency Greenlandip siulittaasuata Anita Hofferip erseqqissaatiga  -  Inatsisartut siorna ukiakkut ataatsimiinnerannni aalajangissatut sinnersuummik saqqummiusssaqarmata, tassani  Naalakkersuisut malittarissassanik aalajangersaasassut suliffeqarfiit pisortallu maani nunani  peqquserluttuliortarnerup pinaveersaartinneqarnissaa anguniarlugu nalunaarsinnaatitaanermik atuutsilersinissamik.
 
Inatsisartuni inatsisinut ataatsimiititaliap  isumaliutissiissummi erseqqissaatigaa, Danmarkimi inatsisinut atuutitsinermut ministeeriaqarfik ataatsimiititaliamik pilersitsinikummat  pisortat suliffeqarfiini peqquserluttuliortarnerup pinaveersaartinneqanissaannik nalunaarsinnaatitaanermik missuisitsisussanik -  tassani pinerluttuliorsimasinnaasunik  paasissutissanik ingerlatitseqqiisinnaaneq periarfisinneqarsinnaalluni.
 
Anita Hoffer ilanngullugu erseqqissaatigaa, inuit pillugit paasissutissat pillugit inatsisip Nunatsinni atuutilersinneqarnissaa pillugu Naalakkersuisut naalagaaffik oqaloqatigisarsimagaat
 
Nalilerneqassagaluarpallu nunatsinni oqartussaasut suliffeqarfiillu inuit pillugit paasissutissat pillugit inatsisip malinnissaanut pisariaqartumik nukissaqanngitsut inatsisip atuutilersinneqarnissaa unitsiinnarneqaratarsinnaavoq.
 
Taamaammat aamma periarfissat allat isiginiarneqartariaqarput. Transparency Greenlandillu Kommuneqarfik Sermersuup eqqunngitsuliortoqarneranik apuussisarfissamik pilersitsiniarnera pitsaasutut isigaa suliniaqatigiiffiullu tamatumunnga atatillugu ilisimasai pillugit kommuni oqaloqatigerusussinnaallugu, Anita Hoffer allakkamini tamanut ammasuni taama allappoq.