Politikki

Sermersuup kommunalbestyrelsiani inissitsitertut

Kommuneqarfik Sermersuumi kommunalbestyrelsinngortoq ippassaq marlunngornermi inissitsiteriffiummat arnat sallersaallutik inissisimapput.
Tunuani saamerlermit: Rolf Pike (S), Thiiooq Knudsen (S), Peter Davidsen (S), Mala Høy Kuko (A), Uju Petersen (IA), Justus Hansen (D), Knud Mathiassen (IA), Harald Bianco (IA), Henrik Rachlev (IA). Saavani saamimmit: Laura Taunâjik (S), Martha Lund Olsen (S), Ane Egede Mathæussen (S), Asii Chemnitz Narup (IA), Malene Lynge (IA), Nivi Olsen (D), Randi Vestergaard Evaldsen (D), Rasmine Geisler (IA), Charlotte Ludvigsen (IA), Inge Olsvig Brandt (IA) Assi © : Kommuneqarfik Sermersooq
Allattoq Inge S. Rasmussen
maajip 03-at 2017 06:50
Nutserisoq Simon Uldum -

Asii Chemnitz Narup pingajussaanik borgmesterinngorpoq. Amerlanerussuteqartut, tassaasut Inuit Ataqatigiit, Demokraatit Atassullu maanna borgmesteriusoq ukiuni tulliuttuni sisamani borgmesteritut ingerlaqqittussatut toqqarpaat.

Partii illuatungiliuttoq Siumut borgmesterinngortussamik innersuussaqanngilaq, kommuni tusagassiorfinnut nalunaaruteqarluni taama ilisimatitsivoq.

Demokraatineersoq Nivi Olsen borgmesterip tulliatut siullertut toqqarneqarpoq, Inuit Ataqatigiinneersorlu Malene Lynge borgmesterip tulliata aappaatut toqqarneqarluni.

Ataatsimiititaliani ataavartuni siulittaasuuffiit amerlanersaat Inuit Ataqatigiinnit inuttalerneqarput - ataatsimiititalianilu sisamaasuni pingasut siulittaasuuffigissavaat:

Sanarfinermut Avatangiisinullu ataatsimiititami Malene Lynge  siulittaasunngorpoq, Charlotte Pikelu Sanarfinermut Avatangiisinullu ataatsimiititami siulittaasunngorluni.

Uju Petersen Meeqqanut Ilaqutariinnullu ataatsimiititami siulittaasunngorpoq. Ataatsimiititaq taanna meeqqat inuuniarnermikkut ajornartorsiuteqartut sullinneqarnerisa politikkikkut allaffissornikkullu nukittorsarneqarnissaanik kissaataasoq piviusunngortinniarlugu pilersinneqartoq, tusagassiorfinnut nalunaarummi oqaatigineqarpoq.

Ataatsimiititat sisamaanni, Meeqqanut Atuarfeqarnermullu ataatsimiititami, Demokraatineersoq Nivi Olsen siulittaasunngorpoq.

 

Aamma atuaruk

Atassut: Naalakkersuisooqatigiit akileraarutinik oqilisaassinerat qineqqusaarutaavoq

Politiit ullormut nalunaarusiaat: Tillinniartoqarlunilu tillinniariaraluartoqarpoq

Politikki

Tabithe Sværd: Sikkilikka innaallagiatortut atorsinnaannginnakkit uggornarpoq