Sermersuup issussusaanik misissuut nutaaq misilerarneqartoq

Ilisimatuut DTU-meersut, tassa Danmarks Tekniske Universitetimeersut, qaammataasiaq atorlugu sikup issussusaanik nakkutilliinerit misileraaffigileruttorpaat.

Radari pineqartoq ilisimatuunit Danmarkimeersunit ineriartortinneqarpoq, Europamiullu silaannarsualiartartoqatigiivisa ESA-kkut suleqatigalugit ineriartortinneqarluni.

Qaammataasiaq atorlugu avatangiisinik nakkutilliineq pitsaanerulissasoq oqaatigineqarpoq, silallu pissusaata allanngoriartuinnavinnerata kingunerisai malinnaavigineqarnerulersinnaalissallutik.

Radari atorlugu nakkutilliinerit aatsaat pilinngillat, sermersuaq ulloriarsuup Marsip avannarpasissuaniittoq qaammataasiakkut nakkutigineqartareerami.

DTU-mi lektori Jørgen Dall oqarpoq radari atorlugu nakkutilliinerit allatut aamma periarfissiilluassasut:

- Timmisartoq atorlugu radarimik ineriartortitsinissaq aamma periarfissaalissaaq, ESA-lu suleqatigalugu antennemik misileraavugut, universiteti Schweitzimeersoq matumani aamma suleqatigineqarluni, Jørgen Dall oqarpoq.