Sermersuup innermik anitsinerit isertarai

Nunatta sermersuanit ungaseqisumit, qeqertap Sumatra-p qaqqaasa ilaannit innermik anitsinerup, ukiut 74.000-it matuma siorna pisup, sermersuatsinni misissuilluni qillerinerni qanoq tamassuma annertutigisimanera paasineqarpoq.

Sumatrami qaqqat ilaata, Toba-p innermik anitsinera, ukiut 74.000-it matuma siorna pisoq ima sakkortusimatigaaq, allaat nunarsuarmiut nungutaanissaannik ulorianartorsiortinneqarsimagaluarlutik.

Taamanersuaq pisimasumik paasisaqartut tassaapput, Australiamiu professori, Bert Roberts suleqataalu Roskilde Universitets Centerimi lektori, Michael Storey aamma professori, Mokhtar Saidin.

Sumatrami qaqqap, Toba-p innermik anitsinerata kingorna nunarsuarput nillerterujussuarsimavoq, tassalu tamannarpiaq pissutigalugu nunarsuarmiut nungutaanissaat aarlerinarsisimagaluarluni.

Qaqqap Filipineriniittup, Pinatubop 1991-imi innermik anitsinerata kingorna, nunarsuarput tamaat ataatsimut isigalugu 0,4 gradenik 1992-imi nillernerulersimasoq, taamani ukiut 74.000-it matuma siorna pisumut sanilliunneqarpoq. Taamani Toba innermik anitsimmat 1992-imut naleqqiullugu nunarsuarput 100-riaammik nillertinnerusimavoq.

Qaqqap Toba-p innermik anitsinerata kingorna, nunarsuarput ukiuni tuusintilikkaani nillertorujussuusimasinnaagaluartoq Michael Storey-p oqaluttuaraa, oqaatigalugulu Toba-p innermik taamani anitsinera annertungaarami manna tikillugu suli nallerneqarsimanngitsoq.

Ukiut 74.000-it matuma siorna pisup paasineqarnera pivoq, sermersuatsinni misissuilluni qillerinerit takutimmassuk, sermersuatta ilaa ikuallassaatit, svovlit ilaannit, sulfatimik akulerujussuusoq aamma paasineqarluni nunarsuarput ataatsimut isigalugu minus 10 gradenik nillertissimasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat