Assi: Kommuneqarfik Sermersooq

Sermersuup borgmesteriata naammagittaalliutigineqarnera Nakkutilliisoqarfiup akerlileraa

Kommuneqarfik Sermersuup borgmesteriata Asii Chemnitz Narupip naammagittaalliutigineqarnera Kommunit Nakkutilliisoqarfiata akerlilerpaa. Nittartagaq Sermitsiaq.ag, Nakkutilliisoqarfiup inerniliineranik paasisaqarsimasoq taama allaaserisaqarpoq.

Siumumeersut marluk, Peter Davidsenip aamma Ane Egede Mathæussenip, upernaaq kommunimut qineqqusaarnerup nalaani borgmesteri Kommunit Nakkutilliisoqarfiannut naammagittaalliutigaat.

AAMMA ATUARUK Borgmesteri nakkutilliisunut unnerluutigineqartoq

Politikerit taakku marluk, Asii Chemnitz Narup kommunip illoqarfimmik ineriartortitsinissamik suliniutaanut angisuumut - Siorarsiorfimmut - tunngatillugu Sermersuumi innuttaasunik kommunimilu politikerinik salloqittaasimasutut unnerluutigaat.

- Borgmesterip, Asii Chemnitz Narupip (IA), saqqummiinermini siulersuisunut ilaasortat kommunimilu innuttaasut isumaqartilersimavai Siorarsiorfimmut tunngasoq pilersaarutit malillugit 4-5 mia. koruuninik nalilik aallartingaatsiareerneqareersimasoq, Peter Davidsen Ane Egede Mathæussenilu qineqqusaarnerup nalaani allakkani tamanut ammasuni taama allapput.

Taamatulli unnerluutiginninnerat Kommunit Nakkutilliisoqarfiannit akerlilerneqarpoq. Sermitsiaq.ag naapertorlugu, Nakkutilliisoqarfik inerniliivoq kommunalbestyrelsimi ilaasortat innuttaasullu suliniutip suliarineqarneranut peqataatinneqarsimasut.

AAMMA ATUARUK Per Berthelsen Siumumi ilaasortaajunnaarniarpoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat