Sermersuup ataani qoororsuaq

Sermersuup ataaniippoq nunarsuarmi qooqqut isorartunersaat. Ilisimatuut amerikamiut tuluillu atugassiami ataqqisaasumi Sciencemi tamanna allaaseralugu saqqummiteqqammerpaat.
Allattoq Martine Lind Krebs, Simon Uldum
septembarip 02-at 2013 07:09

Qoororsuaq ikinnerpaamik kilometerinik 750-inik isorartutigisoq Sermersuup ataaniittoq paasisimavaat. Ilisimatuut qooqqup aniggua suli nassaarimanngilaat, taamaattumillu suli isorarnerunerusinnaalluni. Taamaasilluni Gran Canyonimit isorartunerungaatsiarpoq, meterinik qulinik atitussuseqarpoq meterinillu 800-nik qinngortussuseqarluni, taamaattumillu Grand Canyonitut atitussuseqaranilu qinngortutiginngilaq.

Qoororsuaq sermersuup ataaniittoq sermik kilometerinik marlunnik issutigisumik qalligaavoq.
Iisimatuut naapertorlugit imeq sermersuup ataaniittoq tassuuna kuuttarpoq. Sermersuup qutsinnerpaaffiani, Summitimi, aallartiffeqarpoq Petermann Gletjerillu iluatigoorluni.

Nasap misissuivia, Icebridge, radari atorlugu paasissutissanik katersisuuvoq.
Immap siunissami qaffakkiartornissaa nalilersuiffigalugu Nasa sermersuup issussusaanik maanna uuttortaaleruttorpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk