Assi: Kommuneqarfik Sermersooq

Sermersuup akiitsut qaffakkaluttuinnarnerat erloqinarneraraa

Nunatsinni innuttaasut pisortanut akiitsuminnik akiliinissaminnut suli pikkorlupput.

Kommuneqarfik Sermersuumi ajornartorsiut taanna ilisimaarilluarpaat, kommunimmi innuttaasut akiitsuisa 46 millionit koruunit sinnilaarlugit qaffannerat ukioq kingulleq malugaat.

- Sorraatsiumik oqassagaanni, inoqarpoq, akiligassaminnik akiliineq ajortunik. tamannalu soorunami erloqinaqaaq, pisortaaneq, Lars Møller-Sørensen oqarpoq.

AAMMA ATUARUK Pisortanut akiitsut amerliartuinnarput

Innuttaasut Kommuneqarfik Sermersuumut akiitsui 2017-ip naanerani 339 millionit koruunit missaanniipput, akiitsut ilarpassuimeeqqanut akiliutissanut akiitsuupput.

Tamatuma saniatigut innuttaasut eqqakkanik aallertitsinermut meeqqerivimmiittuuteqarnermullu akiliineq ajortut, kommunip maluginiarpaa. Ullumikkut aaqqissuussineq napertorlugu Namminersorlutik Oqartussat akiliisitsiniartarfiata suliamik tigusitinnagu kommunip akiligassallik ulluni 30-ni akiliisinniaqqaartarpai.

- Kommunitut toqqaannartumik iliuuseqarsinnaavallaartanngilagut, akiliisitsiniartarnermi Namminersorlutik Oqartussaniippoq, Lars Møller-Sørensen oqarpoq.

Pingaarnerutinneqassasut

Naalli 2017-imi akiitsut 339 millionit koruuninngorlutik, akiitsut 46 millionit sinnerlugit qaffakkaluartut, Lars Møller-Sørensenip Namminersorlutik Oqartussat suleqatigilluarlugit erseqqissaatigaa.

Innutaasulli akiitsorisilersimasarpassuinik pisortat akiliisitsisiniarnissaannut periarfissanik allanik pisortaanequjartuivoq.

- Periarfissat ilaat tassaavoq innuttaasut akissarsiassaminnik pissarsinnginneranni akissarsiaassaannit toqqaannartumik nusussineq, Lars Møller-Sørensen oqarpoq.

AAMMA ATUARUK Din løn skal indbetales i offentligt system

Akiitsut amerlivallaannginnerani akiligassallik pissarsiarineqapallattarnissaasa saniatigut Namminersorlutik Oqartussat innuttaasut akiligassaannik suliaqarnermik salliutitsisariartut,

Nunatsinni kommunimi innuttaasoqarnerpaami pisortaaneq isumaqarpoq.

- Uanga isumaqarpunga isumalluutinik pilersitsisoqaraluaruni akiliisitsiniarneq ingerlarsulissagaluartoq, taamaammat ajunngitsumik kinguneqarluni akiliisoqartalernissaa qularutissaqartinngilara, Kommuneqarfik Sermersuumi pisortaaneq, Lars Møller-Sørensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat