Sermersuup aanneranit erngup supisarnera
Sermersuup aanneranit erngup supisarnera Kalaallit Nunaata kitaani takornartaanngilaq, maluginiarneqarnerli ajorpoq, silap pissusaa pillugu ilisimatooq, University of Alaskami, Fairbanksimiittumi atorfilik, Sebastian H. Mernild oqarpoq. Sermersuup aanneranit erngup supisarnera Islandimiutut ”jökulhlaup”-imik taaneqartarpoq, Kalaallit Nunaannilu akuttunngitsumik pisarluni. Illoqarfiillu eqqaanni taamatut supisoqaraluarpat ajorluinnartumik kinguneqariaannaavoq.
juulip 15-at 2008 14:58
Taamatulli supisoqartarnera illoqarfinniit ungasissumi pisarmat malugineqarneq ajorpoq. Sebastian H. Mernild ilisimatuut allat ilagalugit siorna Kangerlussuup eqqaani paasisassarsioramik paasivaat, imeq 28,8 miliuuni kubikmeteritut annertutigisoq sakkortoqisumik supimmat, affarinngisaaluunniit sermersuup qaavani tatsimiit pisoq 60 procentialu erngup supinerata sermimik aqqusaakkaminik aatsitsineratigut pinngorluni. Ilisimatuut Kangerlussuup eqqaani misissuinernit nalunaarusiaat ungasinngitsukkut saqqummissaaq.
