Sermersuup aakkiartupiloorneranut paaq aamarsuillu pissutaaqataapput
Paaq aamarsuullu pujoralai seqerngup kissarneranik milluaasutut ittaramik, sermersuarmi pujoralak annertusiartortillugu aputip sermillu aakkiartornerat sukkatsikkiartuaassaaq. Nunarsuatsinni anorit ingerlaarfiginerusartagaat pissutaallutik silaannakkut sermersuarmik mingutsitsinermut pisuusartut sumiissusersineqarsinaasarput. Soorunami aamma USA-miit Kina-miillu mingutsitsinerit sunniuteqartarput. Sermersuullu aakkiartupiloornera unikaallatsinniassagutsigu pujoralannik mingutsitsineq millisariaqarpoq, tamannalu anguneqarsinnaavoq nunarsuatsinni narsaatinik ikuallaasarnerup pinngitsoorniarneratigut, orpippassuit ikuallatsinnaveersaarnerisigut, aamarsuarmik ikummateqarnaveersaarnikkut soorunalumi biilit dieselitortut mingutsitsinerisa annikillisarnerisigut. Ajornartorsiut ima ilungersunartigisoraara allaat silap pissusaata allanngoriartornera pillugu aappagu ataatsimeersuarnissami oqaluuserisassanut ilanngutariaqarluni, Danmarkimi avatangiisinik misissuisarfimmi immikkut ilisimasalik, Henrik Skov taama oqarpoq.