Sermersuup aakkiartupiloornera ernummatigineqarpoq

Silap pissusaata allangoriartorneranik ilisimasallit Naalagaaffiit peqatigiit aaqqissuussaannik qaammatip tulliani Ungarn-imi oqallitsinneqalerpata, Kalaallit Nunaanni sermersuup aakkiartupiloornera oqallisigineqartussat pingaarnerit ilagissavaat.
Allattoq Jaaku Lyberth
marsip 23-at 2008 17:08

Sermersuup aakkiartornera ilisimatuut naatsersuutigisaannit sukkanerusumik aakkiartorpoq, tamannali toqqissisimanartinneqanngilaq.

- Sermersuup sukkasoorujussuarmik aakkiartornera toqqissisimananngilaq, Povl Frich Naalagaaffiit Peqatigiit silap pissusaata allanngoriartornera pillugu oqalliffimmi Danmarkip sinniisuutitaa oqarpoq. Povl Fich siorna Al Gore peqatigalugu Nobel-ip eqqissinermut nersornaasiuttagaannit nersornaaserneqarput.

Tunup kujataani sermip aakkiartornera ima sukkatigivoq sermersuup sinaavani siku ukiumut 100 meterinik annertutigisumik saannerulertarluni.

Inuit piliaannik aallaaveqartumik silaannaap kiatsikkiartornera eqqoriaanerinnaajunaarpoq piviusorli, Jens Hesselbjerg Christensen Danmarkimi silap pissusaa pillugu ilisimatusarfimmi Danmark Klimacenterimi ilisimatuussutsikkut pisortaq oqarpoq. Jens Hesselbjerg Christensen Naalagaaffiit Peqatigiit silap pissusaa pillugu nalunaarusiami suleqataasut pingaarnerit ilagaat, aviisi Nordjyske nutaarsiassaqartitsivimmi ritzaumit issuarneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq