Sermersuup aakkiartornera orpippassuit ikuallannerannit aamma tunngaveqarsinnaavoq
Sermersuup qaavata annertoorujussuup sukkasuumik aakkiartorneranut taakku pissutsit marluk pissutaasinnaasut, paasissutissanik 1889-miit 2012-imut katersukkanit paasineqarpoq.
Taama paasisaqarnermut tunngaviupput, ilisimatuut sermersuup qaavani nassaarisaat ammoniumi, tassa kvælstoffit ilaat aamma orpippassuit ikuallattarnerisa kinguneranik arsakut qernertut, taakku kingulliit Sibiriami amerikallu avannaani orpippassuit juunimi juulimilu 2012-imi ikuallannerannit pisut.
Arsakut qernertut sermersuup qaavanut tunneranni, seqerngup kissaa annertusineqartarpoq taamaalillunilu sermeq aakkiartupiluulersarluni.
- Nunarsuatsinni orpippassuit ikuallakulanerulernerisa kingunerannik silaannaallu kissakkiartupiloornerata kinguneranik, sermersuaq siunissami sukkanerusumik aakkiartortussaassaaq, ilisimatusareernerup kingorna atuakkiortoq, Kaitlin Keegan oqarpoq.
Sermersuulli qaavata aakkiartupiloornerata kinguneranik nunarsuatsinni immat qaffassanngitsut, ilisimatuunit oqaatigineqarpoq.