Sermersuup aakkiartornera annertusigaluttuinnarpoq

Sapaatip akunnerani uani sermersuup aakkiartornera aatsaat taama annertutigaaq, Danmarkimi silasiorfiup DMI-p nittartagaani taama allaaserisaqarpoq. Tamatumunnga pissutaavoq silaannap kiannerunera sermersuullu qulaani nuiaqannginnera.
Allattoq Jaaku Lyberth
aggustip 24-at 2014 17:24

Sermersuarmi sumiiffiit ilaanni akunnerit 24it ingerlaneranni siku en millimeterinit annertunerusoq aassimavoq.

-  Europa avannarpasinnerusortaani kiannera Kalaallit Nunaannut nuussimavoq, Kristian Pagh Nielsen DMI-ip nittartagaani  taama issuarneqarpoq.

Piffissami 1989-mit 2011-mut sermersuup aakkiartornerata annertussusia sanilliukkaanni sapaatip akunnerani uani  aatsaat taama annertutigisumik aakkiartornermik naammattoorsisoqarpoq  DMI taama allaaserisaqarpoq.

Kalaallit Nunaanni sermersuaq 375 kubik kilometerisut annertutigisoq ukiut tamaasa aattarpoq.

Tassalu naatsorsuutigisamit marloriaammik annertutigisoq aakkiartorpoq, misissuinerit nutaat tunngavigalugit DMI taama allaaserisaqarpoq.