Sermersuumi kaffillernersuaq
Sermersooq inuiattut ullorsiorutta inoqarfinni tamani kaffillersuaassaaq. Nerriviit takissusaat immaqa kingusinnerusukkut Guinness Rekordbogianut nalunaarutigineqassapput.
juunip 18-at 2010 07:47
Nuummi nerrivik kaffillerfissarsuaq illoqarfiup qeqqani Kuussuaq sinerlugu inissinneqassaaq, nipilersortut kalattoortullu Grønlandsbankip silataani ingerlanneqarumaartut. Kaffillertup akeqanngitsumik sassaalliutigissavai kaffi, tii aamma kalaallit kaagiat, peqatigiiffiillu assigiinngitsut imeruersaatinik assigisaannillu tuniniaassapput.
Kommuni aamma ataasinngorpat ’Ukiup oqalugiartua’-nik ingerlatsissaaq, tassani innuttaasut sunaluunniit oqalugiaatigisinnaavaat. Søren Joelsen siullersaalluni qaqeqqaartuussaaq oqalugiarlunilu.
Naammakkut nunarsuarmi kaffillernermi Guinnes Rekordiusoq 2008-imi Londonimi pivoq, tassani inuit 4.585-it tusarnaartitsisarfimmi kaffisoqatigiipput.
