Sermersuumi inuussutissarsiornermut siunnersuisooqatigiit ilaasortartaarput
Sermersuup inuussutissarsiornermut siunnersuisooqatigiit assut nuannaarutigaat NAPP inuussutissarsiornermik ineriartortitsinermi suleqataanialermat.
- Nuannaarutigeqaara NAPP Sermersuumi inuussutissarsiornermik siuarsaaqataanissaminut piumassuseqarmat, maannakkut inuussutissarsiornermut siunnersuisooqatigiit inuussutisarsiornermut, suliffissaqartitsinermut, ilinniagaqartitsinissamullu sulissuteqarnermut kiisalu qullersanut sammisunik suliaqalernerani peqataarusummata, Inuussutissarsiornermut Siunnersuisooqatigiit siulittaasuat Martin Ben Shalmi oqarpoq.
Piffissami aggersumi Sermersuup inuussutissarsiornermup siunnersuisooqatigiivisa ilusilissavaat aalisarnermik piniarnermillu inuussutissarsiuteqarnermi NAPP qanoq inerisaaqataasinnaanersoq. Tamanna inissippat siunnersuisooqatigiit saqqummiutissavaat nunatsinni qangarsuaaniilli inuussutissarsiutit sutigut inerisaaqataanissaat.
- NAPP-mi annertuumik misilittagaqarnerup iluaqutiginissaa qilanaaraara, Sermersuumi inuussutissarsiutit ineriartortinneranni annertuumik suliniuteqarnitsinni ikorfartuutaalluassammat, Martin Ben Shalmi neriulluarpalulluni naggasiivoq.
Sermersuumi Inuussutissarsiornermut Siunnersuisooqatigiinnik pilersitseqataasut ukuupput; Nuummi Sulisitsisut, NSIP, GrønlandsBanken, BankNordiK, Kommuneqarfik Sermersooq maannakkullu tassa aamma NAPP peqataalerluni. Niuernermik Ilinniarfik aamma Ilimmarfik siunnersuisooqatigiinni aamma peqataatitaqarput.
Siunnersuisooqatigiit ilaasortaat tassaapput:
Martin Ben Shalmi, siulittaasoq
John Jakobsen, siulittaasup tullia
Nikolaj Ezekiassen, ulluinnarni aqutsisuni ilaasortaq
Ludvig Larsen
Bjartur Nolsøe
Nicolaj Sørensen
Michael Mørch
Asii Chemnitz Narup
Mike Nicolajsen
Knud Serritslev
Bjarne Thorsen
Lars Mathæussen
Tine Pars
Frank Arnskjold