Sermersuumi borgmesteri: Julie Ninalu nunatsinnit aallartitaalluarput

Sermersuumi borgmesteri Herningimi Melodi Grand Prixertoqarnerani Juliemik Ninamillu tapersersueqataavoq.

-  Pissangasorujussuuvunga. Oqartariaqarpunga nalaatsornerinnarmik qallunaat nunaanniippunga ullut makku, taamaammat ikinngutima ukussama ilaserimmanga oqarpunga: soorunami! Asii Chemnitz Narup (IA) taama oqarpoq. 

- Assut qilanaarpunga, ingammillu normu 7-ip tusaanissaa qilanaarivara: Julie aamma Nina. Nunatsinnit aallartitaalluarput, borgmesteri oqarpoq.

Ima taasisinnaavutit

Dansk Melodi Grand Prix 2019-imi nunatsinnit aamma taasisoqarsinnaavoq.

1212-imut sms-imik nassiussillutik taasisinnaavutit.

0045-lissanngilat. 

Sms-ikkut taasissutissat tassaapput: Sang 1, sang 2, sang 3, sang 4, sang 5, sang 6 , sang 7 , sang 8, sang 9 aamma sang 10.

 

Peqataasumik ataatsimik ataasiaannarluni taasisoqarsinnaavoq.

 

Sms ataaseq 1 kr.-eqarpoq, Tusass'-ilinnut 1 kr.-eqassaaq + sms-imut akiliut nalinginnaasoq.

 

Aamma DR-ip app'ia aasinnaavat tassuunalu taasillutit. App'i akeqanngitsumik aaneqarsinnaavoq taasinerlu akeqanngilaq.

Najoqqutarisat: Tele-Post/dr.dk

Julie Berthelsenip Nina Kreutzmannillu erinarsuut "League of light" oqaluttuariagamikku oqarput nunatta oqaluttuarinissaanut atorumallugu: Oqaluttuaq inuppassuit ilisimanngisaat. Ilisimasaqannginnermi isummallu pigiliutiinnakkat imminnut atapput, imminnulli ilisimasaqarfiginerugaanni aamma imminut paasinissaq ajornannginnerulersarpoq, Nina Kreutzmann KNR siornatigut taama oqarpoq.

Juliep Ninallu taartut pinnagit qaamaneq erinarsuummi ”League of Light”-imi samminiarlugit oqaatigaat. Tamanna qanoq paasiviuk?

- Ima paasivara nunatsinni unammilligassarpassuaqartugut. Anersaartorfissaqartariaqarpugut. Siumut isigerusuppugut qaamaneq isigalugu, pisariaqarfianilu ataqatigiinneq atorlugu isumalluarneq pigalugu. 

Ajugaassappata nunatsinnut qanoq sunniuteqassava?

- Nunarput silap pissusiata allanngoriartorneranut tunngasuinnarmik isiginagu nunarsuarmi allatut isigineqalissaaq. Erinarsuutaat imartuupilussuuvoq misigissuseqarluarlunilu. Iluatsitsilluarnissaannik kissaappakka, Asii Chemnitz Narup oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat