Silaannaq kissatsikkiartoraluartoq sermersuarput nungulluni aakkunnanngilaq, taamaattumillu imavissuit siulittuutigineqartutut 7 meterit sinnerlugit qaffannavianngillat.
Sermersuatsinnik qilleraluni sermiminernik qaqitanik misissuinermi naammasseqqammersumi akunnerlu ataaseq qaangiuppoq saqqummiunneqartumi paasisat tunngavigalugit, ilisimatuut Københavnip ilisimatusarfissuaneersut taama naliliipput.
Sermersuup qaavanit 3 kilometerinik appasitsigisumut qillerinermit qaqitaq misissoratsigu paasivarput Kalaallit Nunaat ukiut 450.000-it matuma siornagut sverigemisut imaluunniit canadasut kiatsigisimasoq, orpippassuaqarluni ukiuutillugulu 17 anguinnarlugit issittarsimalluni, sananeqaatinik ilisimatooq Eske Willerslev, qillerinermit qaqitanik misissuisimasoq oqarpoq.
Aamma ukiut 125.000-it matuma siornagut nunarput gradinik tallimanik kiannerulersimagaluartoq sermip qaqitap akuisa sananeqaataannik misissuinermi paasineqarpoq.