Sermersuarmik sukkanerpaamik itiviiniartoqalerpoq
Canadamiut pingasut tulullu ataaseq sermersuarmik itiviisimasut sukkanerpaartaattut inissikkumallutik ullumi aallassapput.
Tasiilap nunaqarfianit Isortoq-mit Kangerlussuarmut 1.100 kilometerinik ingerlaassapput, sukkanerpaassagunillu ullut arfineq-pingasut inorlugit ingerlaartussaallutik.
Rekordiliisimasoq kingulleq tassaavoq Norgemiu Sjur Modre 1995-imi rekordiliisimasoq.
Rekordileeriartussat imminnut taaguusersimapput Greenspeed, tingerlaatissiaataasat skærmit atorlugit sukkasuumik ingerlaniassallutik. Taakku pilersaarutigaat ullormut 271 kilometerit ingerlaartassallutik.
Belgiamiup Sikuiuitsumi Kujallermi kilometerit taakku ukiut qulit matuma siornatigut atorsimavai.
Greenspeed iluatsitsinersoq juunip 15-ani paasinarsissaaq, rekortileeriartut Isortumut taamanikkussamut apuunnissartik naatsorsuutigimmassuk.
