Sermersuarmi qillerisut naqqannilerput

Sermersiuut sermersuarmi qillerillutik naqqanninnissaminnut 275 meteri amigaatigigaat.
juunip 30-at 2010 11:04

Ataasinngormat qillerut 2.270 meteritut appasitsigisumut killippoq, tassani sermeqarpoq sermersuaqarnerata nalaanit akulllermeersumit, Ingeniøren allappoq.

Sermersiuut nunatta avannaani sermersuarmi qillerillutik sermimik sermersuaqarnerata nalaanit akullermiittumit pissarsiniarput.

Sermeq, sermersiuut angusaat, oqaluttuarsinnaavoq nunarsuarmi silaannaap pissusaata allanngorarsimaneranik, taamanikkut nunarsuaq 5 gradit missaanni ullumikkumit kiannerusimavoq. Taamaattumik ilisimatuup Dorthe Dahl-Jensenip Københavnip Universititiani Niels Bohr Instituttimeersup sermeq angusartik immikkut soqutigaa.

Piffissami 2007 - 2011 sermersiuut nunatta avannaani sermersuarmi qillerissaput, sermersuaqarnera nalaanit akullermeersumik sermimik pissarniarlutik. Sermersuaqarneq akulleq qanngiuppoq ukiut 115.00 missaat qaangiuttut.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk