Sermersuarmi ajornartorsiortut ajunngitsut nassaaraat
Ajunaalerluni kalerrisaarut ataasinngormat ulloqeqqata siorna takuneqarlunilu qulimiguulimmit misissorneqartoq politiinit maanna sumiissuserneqarpoq, inuit marluk sermersuarmi politiit nassaaraat. Taakku tassaapput spaniamiut, aappaa arnaq 40-t missaanni ukiulik, aappaalu angut 30-it sinnerlugit ukiulik. Taakku marluk marlunngormat unnuakkut nassaarineqarput, tupermi ilaatigut appussaasimasumiittut.
Ilisimasassarsiortut taakku politiinut nassuiaapput, oqarasuaatertik qaammataasakkoortoq atorsinnaajunnaarmat ajunaalerluni kalerrisaarummik nassitsisariaqarsimallutik, sumiiffimminnilu anorsaringaatsiarmat sapaatip-akunnerata missaani nikissinnaasimanatik.
Spaniamiunik ilisimasassarsiortunik ujaasineq ataatsinngormat aallartippoq. Qulimiguulik S-61 politiit siullermik attartorpaat, tulliullugu timmisartuaraq King Air, naggataagullu S-61 attartoqqillugu.
