Sermersuaqarnerata nalaani silap pissusii allanngorarsimaqaat
Ujarassiuut Erik Thomsen, Aarhusip Universitetianeersoq, aamma Tine Rasmussen, Tromsøp universitetianeersoq, Svalbardip kitaani immap naqqani qillerillutik misissuinerminni paasivaat, sermersuaqarnerani kingullermi Kalaallit Nunaata eqqaani silap pissusia allanngorartorujussuusimasoq, sermersuaqarnerlu piffissani sivikitsukkuutaani pisarsimasoq, taamatullu issilertarnera kiatsittarneralu annertuunik allangorartarsimasut, kingullermilllu sermersuaq annertoorujussuarmik aakkiartorsimasoq, aviisi Weekendavisen allaaserisaqarpoq.
Immap naqqata, marrarmik aappaluttumik qaamasumik qallerneqarsimasup, takutippaa, sermersuup aanneranit imeq immap naqqanut pisarsimasoq, immap naqqani qillerilluni misissuinermi qallorneqartut takutikkaat ilisimatuut oqarput.
- Ukiut ikittunnguit ingerlanerinnaanni, assersuutigalugu Kalaallit Nunaanni, qulinik kiannerulersinnaavoq.
Sermersuaqarnerup nalaani immat arlaleriarlutik meterinik qulinit 20-nut qaffassinnaallutillu apparsinnaasimapput, Erik Thomsen, Aarhusip Universitetiani pinngortitamik Teknologimullu ilisimatusarfimmi ujarassiooq, tusagassiuutinut nalunaaruteqarluni allappoq.
Silap kiassusiata nillissusiatalu annertuumik allanngornerussui, tamatumalu kingunerisaanik sermersuup aakkiartorsimanera, nunarsuup oqaluttuassartaani takeqisumi nutaajunngilaq, Erik Thomsen aviisimi Weekendavisenimi apersorneqarluni inerniliivoq.