Sermersuaq sukkanerusumik aakkiartorpoq

Sermersuarmi sikup illikariartornera sukkanerusumik ingerlasoq issittumi ilisimatusartut seismiologillu oqarput. Nunarsuarmi silaannaap kiatsikkiartornerata sermersuaq sukkasuumik aatsikkiartoraa aviisi Information allappoq.

Ilisimatuut saqqummiussinerminni oqaatigaat qalasersuarni silaannaap kiatsikkiartorneri malunnaqisoq. Aamma siulittuutigineqarpoq, ilimagisamit sukkanerusumik sermersuit aakkiartulissasut. Assersuutigineqartunut ilaavoq, Kalaallit Nunaanni sermersuarmi sikup illikartitertarnerata sukkanerujussuarmik ingerlalersimanera.

Iluliarsuit uukkaasut, ilaatigut New Yourk-imi illoqarfiit ilaattut Manhattan-itut angitigisarput. Aamma silaannaap kiatsikkaluttuinnarnera, sermersuarnik sukkanerusumik aakkiartortitsivoq.

Sermersusaq sukkanerusumik sisuulersimavoq, assersuutigineqarporlu 1993-miit 2002-p tungaanut sermersuarmi sikup uukkartarnera agguaqatigiisillugu ukiumut arfinillit 15-illu akornaniittarmata. 2003-mi seismologit misissuineranni paasineqarpoq sermersuarmi sikup uukkartarnera ukiumut 20-eriarsimasoq, ukioq 2004-milu 24-eriarsimasoq, 2005-imilu qaamatini qulini siullerni sermersuarmi iluliarsuit uukkartarneri 32-iullutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat