- Sermip sananeqaatinik polleninillu peqarluarnissaa naatsorsuutigaarput, Kalaallit Nunaanni naasut uumasullu ukiut immaqa 3 millionit matuma siorna qanoq ittuusimanerinik, Kalaallit Nunaat sermimit qallerneqanngikkallarmat, takussutissaasinnaasunik, Neem-imi qillerinermi pisortaq, ilisimatooq, Dorthe Dahl-Jensen, oqarpoq.
Sermip naqqa ilisimatuut ukiuni tallimani anguniarsaraat, ukiunilu 130.000-iniit 115.000-it tungaannut, tassa piffissami Eemimik taaneqartartumi, serminik piiaallutik misissuisimapput. Ilisimatuut oqarnerat malillugu, sermip naqqaniit meterini kingullerni marlunni ujaraqarsimavoq, ukiuni hornoruju-tusindilippassuarni qaamanermiissimanngisaannartunik.
- Silap pissusaata siunissami qanoq-ikkumaarnissaanik, immallu qanoq sukkatigisumik qanorlu atsigisumik qaffannissaannik, siulittuisinnaanitta uani misissuinitsinni annertusinissaat neriuutigaarput, Dorthe Dahl-Jensen tikkuaavoq.