Sermersuaq ilisimasatsinnit sukkanerusumik aakkiartorpoq

Nunatta sermersua massakkut ilisimasalersimasatsinnit suli sukkanerusumik aakkiartorpoq, taama Amerikamiut avataarsualiartitsiveqarfianni NASA-mi ilisimatuut qaammataasat atorlugit sermersuatsinnik nalunaarsuereersut nalunaarput.

Sermersuup oqimassusianik 2003-miit 2005-imut naatsorsuinermi paasineqarpoq sermip uukkaanera suli sukkanerulersimasoq tassa sermersuaq ukiumut 155 milliarder tonsimik ilanngartalersimavoq, taamalu sermersorneq annertutigineruleraluartoq sermersuup qeqqani ukiumut 54 milliarder tonsiinnarnik apisarpoq.

Sermersuarput 1990-kkunnut naleqqiulluni sukkanerujussuarmik aakkiartortoq misissueqataasoq ilisimatooq Scott Luthcke oqarpoq.

Sermersuarput tassa taama sukkatigisumik aakkiartuinnavissanerluni imaluunnit aakkiartornera unikaallassanerpa? Apeqqutit tamakku massakkut aalajangersumik akineqarsinnaanngimmata misissuinerit tassunga killeqannginnissaat pisariaqarluinnartoq Amerikamiut avataarsualiartitseqatigiiffianni NASA-mi ilisimatuut erseqqissaateqarput.

Sermersuatta akkiartupiloornera pillugu NASA-mi ilisimatuut paasisaat avisimi ilisimatuussutsimik sammisaqartumi Sciencemi tullermi saqqummiunneqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat