Sermersuaq ataatsimeersuassutigineqalerpoq

Nunat tamalaat peqataaffigisaanik København-imi Carlsberg Akademiimi, aggustip 15-aniit 17-ianut, Kalaallit Nunaata sermersuaanit paasisat aallaavigalugit ataatsimeersuartoqalerpoq.

Sermersuami misissuinerit ukiuni tallimani ingerlanneqarsimasut immiorfissuarmit Carlsberg-imit aningaasalersorneqarput, 14 mio. koruuninik akeqarnissaa missingersuusiorneqarsimalluni.

Sermersuarmit missuinerit takutippaat, sermeq aputitoqqanik qaleriiaagaasoq allaat ukiut 40.000 .it kingumut pisoqaatigisunik. Kalaallit Nunaani silaannaap allaanerujussuusimanera allanngorujussuartarsimaneralu takuneqarsinnaapput.

Silaannaap allanngorarnerata qanoq sukkatigisimanera qanorlu allanngorarnerit kinguneqarsimanersut ataatsimut ataqatigiissikkumallugit, maanna ataatsimeersuarnissaq pisariaqartoq, Niels Bohr Institut, København-ip Universitet-ianiittoq tusagassiutinut taama nalunaaruteqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat