Sermersuaq alliartorpoq
Nunatsinni sermersuaq alliartorpoq, taama nalunaarput, Norge-mi ilisimatuut Nansens centerimi
avatangiisit pillugit misissuisartut.
Siusinnerusukkut uppernarsarneqarpoq, sermersuup killinga ukiuni kingullerni aakkiartulersimasoq, taamalu imaata sikorsuarpassuaqalernerata kingunerigunagaanik silaannaq kissatsinnerusimalluni.
Maannali Norgemi ilisimatuut paasivaat, sermersuup ilorpasissortaa alliartortoq, Tamanna qaammataasaq aqqutigalugu sermersuup portussusaanik uuttortaanermi paasineqarsimavoq.
Sermersuup ilarujussua 1500 meteri sinnerlugit portussuseqarpoq, agguaqatigiissillugulu sermeq 6,4 cm-imik ukiumut alliallattarsimavoq. Sermersuulli ilaani 1500 meterit ataallugit portussusilinni ukiumut 2 cm-inik allanngoriartoqartarluni.
- Sermersuup alliartorneranik paasisaqarnerput, naleqarluartuuvoq, tassami Amerikamiut ilisimatuuisa paasisaannut illuatungiliivoq, taama oqarpoq, ilisimatooq Ola M. Johannessen.
Taama paasisaqarneq itinerusumik allaaserineqassasoq aamma oqaatigineqarpoq.
