Nalunaaarusiaq: Sermersuaq aatsaat taamak aakkiartortigaaq

Silap pissusaata allanngoriartorneranik nikallornartumik nalunaarusiamik saqqummiussisoqaqqammerpoq.

Aarlerisaarutigineqartoq kingulleq tassaavoq, Kalaallit Nunaani sermersuup aakkiartornera ukiuni kingullerni hundredelikkaani, ilami ukiuni tusintilikkaani kingullerni aatsaat, taama sukkatigisoq. 

Amerikamiut nutaarsiassaqartitsiviat CNN taama allaaserisaqarpoq. 
Nalunaarusiaq atuagassiami Naturemi sisamanngornermi saqqummiunneqarpoq. 

AAMMA ATUARUK Nunatta avannaarsuata sikua silap kiannerunera pissutigalugu aannerusimasoq

Sermersuup aakkiartornera ukiut kingulliit 20-it ingerlaneranni sukkatsipiloorsimasoq, nalunaarusiami saqqummiunneqartumi atuarneqarsinnaavoq.

Sermersuup aakkiartornera suliffissuaqalernerup sioqqutilaatsilarneraniit assigiiginnarnerusimagaluarpoq.

Sermersua ullumikkut suliffissuaqalerneranut naleqqiullugu 50 procentinik sukkanerusumik aakkiartorpoq, 1900-ikkulllu nalaannit 33 procentinik sukkanerulluni.   

AAMMA ATUARUK Indlandsisen smelter hurtigere, end man troede

- Kalaallit Nunaata sermersuata  aakkiartornerata taama sukkatiginera siornatigut siumorneqarnikuunngilaq, ilisimatusarfimmi Woods Hole Oceanographic Institutionimi ilisimatooq, naalunaarusiamilu atuakkioqataasoq Sarah Das oqarpoq.

Nunatta sermersuata aakkiatornera nunarsuarmi immap qaffakkiartoneranut pingaarnermik pissutaavoq.
Nunarsuarmi tamarmi illoqarfiit sinerissamiittut ukiut qulikkaat tulliuttut ingerlaneranni annertuumik ulinnermik eqqugaasassasut, ilisimatuut siulittuutigaat.

 

AAMMA ATUARUK Sermersuup naqqata sukkut aakkiartornera takuneqarsinnaalersoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat