Sermersuakkut sikkilerniartoq
Spaniamiumi Juan Menendez Granados eqqumiilluinnartukkut sikkilertuartutut spaniamiut tamarmik ilisarisimavaat. Ruslandimi qaqqarsuit Ural-it, Amerikami Kujallermi qaqqat Andesbjergit kiattullu orpippassui Amazonimiittut aqqutigalugit Nordkap - Canadap avannarpasissuaniittoq - ukiut ingerlanerini tikissimavaa.
Maannalu tassa Nunatsinni sermersuaq Granado-p mountainbikerluni itivinnialerpaa, Tunumi nunaqarfimmut Isortumukarluni Kangerlussuarmiit pilersaarutit malillugit apriilip ulluisa 20-anni aallaruni.
Timersortartut nittartagaanni EXPLORERWEB-imi tamanna atuarneqarsinnaavoq, tassanilu ilisimatitsissutigineqarpoq spaniamiu sapiiserumatooq ullormut kilometerit 30-t sikkilertarniartoq.
- Sikkilera nammallugu sisoraatima atulaartarnissaat aamma naatsorsuutigaara, ullullu sivisunerpaamik 21-t atornissaat naatsorsuutigaara, Juan Menendez Granados, ittartakkamut EXPLORERWEB-imut oqarpoq.
Kisimiivinnavianngilarlu. Kalaallit Nunaannimi oqartussaasunit tamanna akuersissutaanngilaq, TV-liortartunit malinnaavigineqassaaq, sikkilernersualu tassa taakku uppernarsarsinnaassavaat.
- Taakkuli ilaagaluarpataluunniit allanit ikiorneqarnanga sapinngilanga, sapiiserajoorsuaq oqarpoq. Taanna siorna spaniamiut nersornaasiuttagaannik nuimasunuk nersornaaserneqarpoq "Årets Rejse" qaqqarsuakkut Uralikkoorsimanini nersornaatisissutigalugu.
