Sermersuakkut aqqut nutaaq nanivaat

Uummannamiit Ilulissanut sermersuakkut aqqut nutaaq 250 kilomiiterit missaannik isorartussusilik atoreerlugu, Ole Jørgen Hammeken ingerlaqatinilu tallimat Ilulissanut ualiartoq tikipput.

Ingerlaarnertik ilungersunarsimasoq Ole Jørgen Hammeken oqaluttuarpoq.

- Ilaatigut ilungersunalaartaraluarpoq, pingaartumik ullut kingulliit marluk issisiorujussualeratta petroliuutaarulluta assut annikilliorpugut, qiuleqqinnaarluta innarniarsaraagut, siffik puutsinnut, sinipajullutalu.

Sermersuakkut itivittut ulloq siulleq navianartorsiulaarsimapput.

- Qupparsuartigut nakkaraanni periarfissaq ataasiinnaagami, nakkaraanni kisianniuna samungarsuaq nakkarluni, nakkartorlu ikioriarfissaaruttussaammat taamanili tassa sissuertualerpugut. Tamaattumik aqqussua tamaat nangiarusaalaaginavippugut.

Qatsissumut periaramik quppaqarpiarunnaarsimavoq.

-Quppaarutipajaaraluarpoq, kisianni nalunarnermik, immitsinnut pitussimaannavippugut. Ulloq naagaangatsigu pituttuileraangatta misissiueqqissaartarpugut. Quiartoraangatta anaraiartoraangattalu aatsaat misissueqqissaarluta- Ole Jørgen Hammeken illarpoq.

Tikilluaqqusisunut ilaavoq Ilulissat kommuniani Borgmesteri Anthon Frederiksen.

Aamma tikeqataapput Ilulissaniit parsiaasut qimussit pingasut.