Nuummi kalaalimineerniarfittaaq Sermersuup tuninialeraa

Taamatullu aalajangiisariaqarneq pisariaqarsimasoq ataatimiititaliami siulittaasup Mille Søvndahlip aviisimut AG-mut tunngavilersuutigaa.

- Maannakkutut ingerlanneqarnera illersorneqarsinnaanngilaq. Kommunimut akisuallaaqaaq, siulittaasoq Inuit Ataqatigiinneersoq, Mille Søvndahl, taama oqarpoq.

Kalaalimineerniarfik nutaaq kommunip aningaasaqarneranut ukiuni arlalinni millionilikkuutaanik artukkersuutaammat tuniniarneqarnissaa aalajangiunneqarpoq.

Kalaalimineerniarfik nutaaq ukioq manna tunineqarpat aningaasat isertitat atorlugit Kalaaliaratoqqap Nuutoqqamiittup illutaa nutaanngilisimasoq nutarterneqassaaq.

Soqutigisaqartut allat kalaalimineerniarfimmik ingerlatsinissaminnut soqutiginnittut, periarfissarlu tamanna ammaffigalugu, kommunip ilaatigut nalunaarutigaa.