Sermersooq suliniuteqartunik kajumissaasiisoq
Kajumissaaserneqartoq siulleq tassaavoq Nuummeersoq Else Lea Olsen. Kajumissaaserneqartup innuttaasut pillugit suliniuteqarluarnera kajumissutsiminillu suleqataalluarnera pissutigalugit kaujumissaaserneqarpoq.
Nuummilu kajumissaaserneqartut aappaa tassavoq Vittus Jeremiassen. Taanna anguniagaqarluni nikallujuillunilu inuussutissarsiutigalugu aalisartuuneq piumassuseqarluarluni ingerlatarimmagu kajumissaaserneqarpoq.
Kulusummeersoq Justine Boassen, Kommuneqarfik Sermersuumit aamma kajumissaaserneqarpoq. Taanna qasusuilluni sumiiffiup oqaluttuassartaanik sulissutiginnilluni Kulusummi katersugaasivimmik pilersitsiniarnera pillugu kajumissaaserneqarpoq.
Kommuneqarfik sermersuumit kajumissaasiineq siulleq 2011-imi tunniunneqarpoq.