Sermersooq pisuttuaqatigiinnissamut aggersaavoq
Kommuneqarfik Sermersooq Nuummi Tuujummi Blok P-llu eqqaani pisuttuaqatigiinnissamut aggersaavoq.Innuttaasut soqutiginnittut illoqarfiup ilaani tamaani illussanik titartaasartut peqatigalugit takuniaatinneqassapput.
Allattoq Elisa Isaksen
Innuttaasut illoqarfiup ilaata tamassuma oqaluttuassartaanik periarfissaannillu nutaanik illussanik titartaasartunit oqaluttuunneqassapput.
Pisuttuaqatigiinneq arfininngorpat pissaaq, ualikkullu nalunaaqutaq marluniit biilit unittarfiannit Kongevejip Aqqusinersuullu naapiffianniittumit aallartissalluni. Pisuttuaqatigiinneq naggataarlugu illussanik titartaasarfimmi TNT Nuummi kaffi tiilu sassaalliutigineqassapput.
Arfininngorpat sila ajussagaluarpat pisuttuaqatigiinneq aqaguani sapaammi piffissami taaneqartumi ingerlanneqassaaq.