Sermersooq nappaatinik siusinaartumik naammattuuiniarnermi nutaamik suleriaasitaassasoq
Kommuni tusagassiorfinnut nalunaaruteqarluni taama allappoq.
Pikkorissartitsinerup siunertaraa, suliassanik akisussaaffinnillu agguataarinninnerup ersarinnerulersinnissaa, utoqqaat illuini najugaqartunut attuumassuteqarsinnaasut pillugit ajornannginnerusumik aalajangiisoqartalernissaa anguniarlugu.
Inunnik sullissisut nikerartumik sulisarnerat pissutigalugu paarlatsit suliartornerminni suna eqqumaffigisariaqarnerunersoq eqqumaffiginerulissavaat sullinneqartullu qanoq innerannik paasinnipallassinnaanermut tamanna iluaqutaassaaq.
Kommuni naapertorlugu, suliassanik akisussaaffinnillu agguataarinninnermiinnuttaasut napparsimasullu nakkutigineqarnerat ajornannginnerulissaaq tassanilu suleriaaseq pineqartoq, nappaatinik soorlu nakasulunnermik, pualluuteqarnermik allanillu naammaattuuiniarnermi, najugaqartut napparsimmavinnut unitsinnissaat pinngitsoortinneqarsinnaalluni.
Periuseq taamaattoq Danmarkimi, ingammilu Aalborgip kommuniani atorneqarpoq. Aalborg Kommune Kommuneqarfik Sermersuumi inunnik sullissisunik pikkorissartitsisarpoq.