Sermersooq minguiaavimmik nutaamik Nuummi misileraasoq
Kommuneqarfik Sermersooq minguiaavimmik pissarsisimavoq, taannalu kommunip illoqarfiini nunaqarfiinilu imermik errortuivikumik kuutsitsisarnerup ullutsinnut naleqqunnerusumik ingerlanneqarnissaanut aaqqiissutissarsiniarluni suliniummi atorneqassaaq.
Suliniummi suliffeqarfik Norgemeersoq Goodtech Environment suleqatigineqarpoq, suliffeqarfiullu taassuma minguiaavik aallartissavaa, sulisunik ilinniartitsillu kiisalu aamma mingiuaaviuk ungasianit nakkutigissallugu.
- Misiligummik suliniut nuannaarutigaarput neriullutalu iluatsilluarumaartoq, Sanarfinermut Avatangiisinullu Ataatsimiititami siulittaasoq, Mille Søvndahl Pedersen oqarpoq.
Misileraaneq aggustimi aallartinneqassaaq qaammatinilu arfineq-pingasuni sivisussuseqassalluni.
AAMMA ATUARUK Nuummi eqqakkanik ikuallaavik annertuumik nutarteriffigineqartoq
