Sermersooq kulturikkut suliniutinut aningaasanik agguaassisoq
Kommuneqarfik Sermersuumi kultureqarnermut siunnersuisoqatigiit tapiissuteqartarfimmit Sermermit ukiumoortumik agguaassinerisa kingorna tamanna pissaaq.
Tapiissuteqartarfimmi aningaasaatit kommunimi innuttaasunut, namminersorlutik inuussutissarsiortunut, kulturikkut nutaaliornermi atugassatut aammalu assigiinngitsunut kulturimik suliaqarlutik suleqatigiinnut siuarsaanermut naatsorsuussaapput.
Tapiiffigineqartullu ilaatigut tassaapput filmip piviusulersaarutip "Eskimo Diva"-p Tasiilami takutinneqarnissaanik aaqqissuussineq, Josef Lund Josefsenip juullisiutinik saqqummersitsinerminut atatillugu Paamiuni tusarnaartitsinissaa. Aamma Malik Kleist Tumit Produktionimeersoq atuakkiap pissanganartuliap "Angut tarraqanngitsoq" angakkumik tigusaaqqasumik oqaluttualiaasup filmiliarinissaanut 300.000 koruuninik tapiiffigineqarpoq.
Kulturikkut suliniutiminnik piviusunngortitserusuttunut oqaatigisinnaavarput qinnuteqarfissap tullia aappaagu marsip aallaqqaataani killeqarmat.
