Sermersooq kukkunersiuisunit isornartorsiorneqarpoq

- Tamassumunnga pissutaasunut aamma ilaavoq, naatsorsuutit suliarineqarnerisa nalaani, Namminersorlutik Oqartussat innarluutilinnut inissiisarfiinut akit qaffassimaneri, taamaalilluni naatsorsuutinut tamanna ilanngunneqanngitsoorsimalluni.

Kommuneqarfik Sermersuup aningaasaqarnermut pisortaa, Lars Sørensen oqarpoq.

Ukioq manna 40 million koruuninik amigartooruteqarnerup nassatarisaanik aappaagu, tassa 2015-mi kommuni aningaasatigut aamma amigartooruteqartussaassasoq naatsorsuutigineqarsinnaasoq, aningaasaqarnermut pisortap naatsoruutiginerarpaa.

- Ukioq manna taama amerlatigisunik amigartooruteqarnitta nassatarisaanik aappaagu amigartooruteqarnissarput naatsorsuutigaara. 40 million koruuninilli ikinnerusunik amigartooruteqarnissarput ilimagineqarsinnaavoq.

Kommunearfik Sermersuup aningasaqarnermut pisortaa, Lars Sørensen oqarpoq.

Kommuneqarfik Sermersuup politikkikkut akisussaasuunerpaavat, borgmester Asii Chemnitz Narupip 2015-mi aamma amigartooruteqarnissaq uppernarsarpaa, imalu oqarluni.

- 2015 immikkorluinnaq ittussaavoq. Tassa kommunerput kommuninut allanut akiliutigisartakkatta aalajangersimasut qaavisigut, 54 million koruuninik akiliisussanngortinneqarpoq Naalakkersuisutigoortumik, tamannalu uangut ajoraluartumik sunniuteqarfigisinnaanngilarput.

Borgmester Asii Chemnitz Narup oqarpoq innuttaasunullu neriorsuilluni kommunip amigartooruteqarnissaa innuttaasunut toqqaannartumik sunniuteqassanngimmat.

- Inatsisitigut malitassagut malissavagut aamma innuttaasut pisinnaatitaaffii innarlerneqarnavianngillat, tassa tamanna pingaartitatrput taamaattumik aningaasatigut amigartooruteqarnissarput innuttaasunut toqqaannartumik amlunngiutissanngilaq.

Kommuneqarfik Sermersuup borgmesteria, Asii Chemnitz Narup taama naggasiivoq.