Sermersooq kommunaldirektøritaartoq

Kommuneqarfik Sermersooq siorna decembarip qaammataanili kommunaldirektøreqanngitsoq nutaamik kommunaldirektøritaarpoq.
Assi © : Kommuneqarfik Sermersooq
Allattoq Anton Gundersen Lihn
septembarip 06-at 2017 15:18
Nutserisoq Simon Uldum -

Tassalu Lars Møller-Sørensen 2014-imi apriilimi Kommuneqarfik Sermersuumi aningaasaqarnermut sulisoqarnermullu kiffartuussivimmi pisortatut atorfeqalersoq 2016-imilu decembarip aallaqqaataanit  kommunaldirektøriugallartutut inissisimasoq.

Lars Møller-Sørensen 1995-imi Kalaallit Nunaannut tikippoq kingornalu Mittarfeqarfinni ukiuni tallimani sulisoqarnermut pisortaavoq aammalu KNI-mi ukiuni aqqaneq-marlunni sulisoqarnermut aningaasaqarnermullu pisortaalluni. Aammattaaq siulersuisuni arlalinni suliaqartareerpoq – tassa inuussutissarsiutigalugu suliffeqarfinni aamma peqatigiiffinni kajumissutsimik ingerlanneqartuni suliaqartareerluni. Najoqqutarisaq: Kommuneqarfik Sermersooq.

Atorfinitsitsinermut Ataatsimiititamut ilaasortat isumaqatigiillutik atorfinitsinneqassasoq innersuussuteqareersut Lars Møller-Sørensen kommunalbestyrelsimit isumaqatigiissumit atorfinitsinneqarpoq.

- Ukiuni pingasuni Lars Møller-Sørensen Kommuneqarfik Sermersuumi atorfeqarnerani, Kommunalbestyrelsimut ilaasortaasugut nalunngilarput naammassinnilluarsinnaasoq susassaqarfimminilu aqutsisuulluarnermigut angusanik imaannanngitsunik angusaqarsimasoq. Taamaammat nuannaarutigeqaara maanna allaffeqarfimmi siuttutut inissisimalermat, Kommuneqarfik Sermersuumi borgmesteri, Asii Chemnitz Narup taama oqarpoq.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq