Sermersooq ilinniartunut legatinik agguaassisoq
Legatit tamarmik immikkut 3.000 koruuninik aningaasartaqarput. Legatit piginnaasatigut aamma naleqartitanik nersorinninnermik ersersitsiniarnerusut, inuiaqatigiinnilu ataatsimoorfeqarnermut pitsaasumillu ineriartornissamut pingaaruteqartut kommuuni isumaqarpoq.
Tassunga ilanngullugu ilinniagaqarnermi ingerlaqqinnissamik atuartunut kaammattuutissatut kiisalu innuttaaqataanermut akisussaaqataanermullu kaammattuutissatut isigineqarput.
Nuummi Piareersarfimmi naammassisut Jakob Heilmann aamma Viggo Poulsen ilaatigut aalajaatsuunertik peqqissaartuunertillu pillugit legatinik tuninineqarput.
Paamiuni Piareersarfimmi naammassisoq Maren Abrahamsen ilaatigut ilinniartoqatiminik ikiuunnissamut ilitsersuinissamullu nukissaqarnini pillugit legatinnappoq.
Peter Jonathansenip Kuummiuneersup Piareersarfimmut aalajaalluni takkuttarnini, ilakkuminartuuninilu pillugit legatinnassutigai.