Kommunalbestyrelsip ippassaq ataatsimiinnerani tamanna aalajangerneqarpoq, aappaagulu 2011-mi februaarip ulluisa aallaqqaataanni atuutilissalluni.
Ataatsimiititani ammanerusumik isertuaannerusumillu sulisoqalernissaa ataatsimiititaliani pioreersuni siulittaasut kissaatigaat.
Ataatsimiititani assigiinngitsuni oqaluuserineqartussat kikkunnit tamanit paasiniaaffigineqarsinnaalernissaat ataatsimiititaliani siulittaasut kissaatigaat.
Nipangiussisussaatitaanermili inatsit sutigut tamatigut malinneqartussaammat, oqaluuserisassat, aamma aalajangiinermi imaqarniliat, tamarluinnarmik saqqummiunneqartarnavianngillat.
Taamaammat ataatsimiititaliani ataasiakkaani oqaluuserisat oqaluuserereernerisigut aalajangiisoqartassaaq, aalajangiineq saqqummiussassaanersoq imaluunniit saqqummiunneqassannginnersoq, Kommuneqarfik Sermersooq taama ilisimatitsivoq.