Issittumi ilisimatusarnissaq Niels Bohrip Ilisimatusarfianit, pimoorunniarneqalersoq aviisi Politiken allappoq.
Sermersiooq Dorthe Dahl-Jensen ilisimatuutut aalajangersimasumik atorfinitsissallugu Ilisimatusarfik aalajangerpoq, taanna aamma sermersuarmi qillerinerni peqataasimasutut ilaatigut ilisarisimaneqarpoq.
Sermersuup ilamernga ukiunik 123.000-inik pisoqaassusilik sermersuarmiit qillerlugu ilisimatusartut siorna kaanngartimmassuk Dorthe Dahl-Jensen pilersaarusiortuuvoq.
Sermersuarmi qillerisarneq ukiuni aggersuni kingumut qitiutinniarneqalerpoq. Sermersiuut naalagaaffinnit allanit 13-ineersut peqatigalugit Dorthe Dahl-Jensen
Sermersuaminermik nunatsinni qillereqqinniarpoq. Naalagaaffiit Peqatigiit nunarsuaq tamakkerlugu Issittumut Ukioritinniagaani, 2007-imi marsip qaammataaniit 2008-imi marsip qaammataa tikillugu ingerlanneqartussami, tamanna pissaaq.
Siku Silaannarlu pillugit Niels Bohrip Ilisimatusarfiani Dorthe Dahl-Jensen manna pisortaavoq. Tamatuma saniatigut Issittup Ukiuata nunarsuaq tamakkerlugu komitéani aamma siulittaasuuvoq.