Sermermiuni illorsualiortoqassaaq
Ilulissat paasisaqarfiginissaat aamma Kalaallit Nunaanni pinngortitaq kulturilu qanoq ittuunerannik paasinninnissaat, illussanik titartaasartut tikeraarnerannut siunnertaavoq.
Illussanik titartaasartut tassaapput:
- Arkís, Island
- Dorte Mandrup Arkitekter/Avannaa/Kristine Jensen, Danmark/Grønland
- Kengo Kuma and Associates, Japan
- Rintala Eggertsson Architects, Norge
- Snøhetta, Norge
- Studio Other Spaces v. Olafur Eliasson & Sebastian Behmann, Tyskland
Immikkuullarissumik illorsualiassaq Sermermiut eqqaani ukiuni tulliuttuni sananeqartussaavoq, UNESCO-p eriagisatut toqqagaani Sermermiuniissalluni.
Illussanik titartaasartut siunnersuutitik upernaamut saqqummiutissavaat. Illussanilli titartaasartut Sermermiut eqqaalu qanoq ittuunersoq tassa takuniaqqaassavaat.
Kangia pillugu Ilisimasaqarfissa Ilulissat qulimiguulimmik mittarfigisimasaata eqqani sananeqassaaq. Tamanna pissalluni illussanik titartaasartut siunnersuutaat sorleq aappaagu ukiakkut toqqarneqareerpat.0
Tamatuma kingorna sanaartorneq aallartinneqassaq, Kangialu pillugu Ilisimasaqarfissap sanaartornera 2019-mi ukiakkut naammassineqareersimassasoq naatsorsuutigineqarluni.
