Sermeqarfiit aakkiartornerulissapput

1995-ip kingorna sermit ilaat 25 meterit angullugit pukkinnerulersimapput ilaallu nunguissimallutik. Islandimi, Schweizimi Østrigimilu sermit ukiuni qaninnerni nunguinnissaat maanna ilimagineqalerpoq. Naalagaaffimmi New Mexicomi USA-miittumi, Los Alamos National Laboratorymi ilisimatuut naatsorsuinerisa tamanna ersersippaat. Ilisimatuut misissuinerminni pisortaraat qallunaaq, Sebastian Mernild, taakkulu sermeqarfiit nunarsuatsinniittut 85-it misissugarisimavaat. Misissuinerminni nalunaarusiatik, Sebastian Mernildip saqqummiukkamigit oqaatigaa, sermini aakkiartortuni Kalaallit Nunaanni sermit aakkiartortut nunarsuatsinni kisiartaallutik iluaqutaasinnaasut. Sebastian Mernildip oqaatigaa Nunatsinni sermip aattup kuunnera ukiorpassuarni mingutsitsinngitsumik nukissiuuteqarnermut atorluarneqarsinnaasoq.