Sermeq ukiumut 300 kubikkilometeri aattarpoq

Imarsuaq ukioq 2100 tikitsinnagu 60 cm-inik qaffassinnaavoq.

Ilisimatuut Nunat Tamat Peqatigiiffianni silap pissussaanik immikkut sammisaqartut naatsorsuutigeqqaagaanniit sermersuup sukkanerujussuarmik aakkiartornerata immarsuaq ukioq 2100 tikitsinnagu 60 cm-inik qaffatsissinnaavaa.

Nunatta Kujataata Kangiatungaannaani aakkartartuniit sikorujussuartut kipparissutut sanimut 6,5 kilometeritut atsigisoq aakkartarpoq. Danmarkimi qitiusumik avataarsualeriffimmiit ilisimatuut misissuinerisa kingullit inernerisa tamanna takutippaat. Sermersuup saalliartornera aamma sukkatsikkiartuinarpoq. 1990-ikkut naalernerannut naleqqiullugu, sermeq sisamariaammik annerusoq maanna aattarpoq. Danmarkimi qitiusumik avataarsualeriffimmi ilisimatooq, Abbas Khan, Ritzauimut oqarpoq.

- 2004 sioqqullugu Nunatta Kujataata kangisinnerusortaani aakkartartuniit sermeq 50 - 100 kubikkilometerisut atsigisoq ukiumut aataraluarpoq. 2004-lli kingorna sermeq aattartoq annertunerujussuanngrsimavoq, maannakkut ukiumut 300 kubikkilometeri aattalersimalluni, Abbas Khan Ritzauimut oqarpoq.

Misissuinerit inerneri USA-mi University of Colorado suleqatigalugu anguneqarput, nunanillu tamanit ilisimatuut atuagassiaanni Geophysical Research Lettersimi pisortatigut saqqummiunneqarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat