Russit umiarsuaat Svalbardimi Hornsundimi takornarianik pingasunngormat angallassitilluni ualikkut nalunaaqutaq tallimap qeqqanut sermeq iigartartoq Hornbræen iigaruttulersoq qanillivallaarpaa. Sermeq annertoorujussuaq umiarsuup qaanut nakkaavoq, nutaarsiassaqartitsivik Standby taama allappoq.
- Sermeq umiarsuup qaanut nakkaasoq pissutaalluni umiarsuaq uerujussuarpoq, taamaalilluni ilaasut inuttallu sumut tamaanga eqqakattaarineqarlutik, Svalbardimi sysselmandimi pigaartuusoq, Jan Tømmervold oqarpoq.
Inuit 18-it ajoquserput, pingasut annertuumik ajoquserlutik, Norgemi aviisi dagbladet.no taama allappoq.