Sermeq 2013-imi aakkiartupiloorsimavoq

Sermersuaq imaatalu sikua ukiormanna nalinginnaanngitsumik aakkiatornerusimapput, siornali aakkiartornerup rekordiliiffigisaatulli annertutiginani. GEUS-ip, DTU-p aamma DMI-p sikup sermillu qanoq issusaannik ukiumoortumik nalunaarusiaanni tamanna atuarneqarsinnaavoq.
novembarip 20-at 2013 11:09

Nalunaarusiami paasisat pingaarnerit ilagaat sermersuup aakkiartornerata pilersitaanik imavissuit millimeterinik 1,2-nik qaffassimammata, imaatalu sikuata siuaruaattarnera nalinginnaasumit malunnaatilimmik annikinnerusimalluni. Imaata sikuata ukiormanna siaruaaffigisaa kvadratkilometerinik millioninik 5,9-nik annertutigisimavoq, nalinginnaasumik kvadratkilometerinik millioninik 7,5-inik annertutigisarluarluni.

Sermersuup aakkiartornera juulip qaammataani kiarujussuarnerata kingunerisaanik nalinginnaasumik annertunerusimavoq, anorlerajussimaneraluu imaata sikuanik uninngatitsinerusinaasimalluni silaannarmillu nillertumik Sermersuakkut ingerlaartitsisimalluni. Kiisalu GEUS-ip, DTU-p DMI-llu sermersuup uukkartarfiisa ukiormanna annertunerusunik uukkarfiusimannginneri paasisimavaat.