Serlersaarinernut ineqartut akiliisitaariaannaapput

Nuummi Tuapannguani Blok T-mi iluarsartuunneqaqqammisumi, iikkanut allattuinerit piiarneqarneri, najugalinnut akiligassanngoriaannaavoq.

A/S INI-p sullissinermut pisortaata Mogens Hansenip inissiani ineqartut kaammattorpai, inissiaatileqatigiiffiup inissiaataani najugallit susoqarneranik eqqumaneruleqqullugit.

Naggataani kina akiliisussanngussanersoq A/S INI-mi sullissinermut pisortap, Mogens Hansenip qularutiginngilaa:

- Akiligassamik akiliisussaq ataasiinnaavoq, tassalu ineqartoq. Taakkulu akilerneqassapput, immikkoortortaqarfiup ingerlatsinermut aningaasartuutaanit. Tamatumalu kisimi nammassinnaaneraa paasinarsissaaq.

Massakkut Blok T-mi pisoq 20.000 koruunit angullugit akeqassangatinneqarpoq.

Pisortat inissiaataanni aserorterinerit akuersaarneqarsinnaanngilluinnarput. Pisortaqarfimmit oqariartuutigineqartoq, Blok T-mi serlersaarinerit annikillisinniarlugit sulinissaq inissianut allanut aamma atuutsinneqartussatut paasisariaqarsoraara.

Mogens Hansenip aamma ineqartunut kaammattuutigaa, serlersaarisunik takusaqaraangamik nalunaarutiginnittaqqullugit. Aserorterinermullu akiuiniarnermut peqataaneroqqullugit.

Ineqartut sinniisaata Arn Bjørn Olsenip, Mogens Hansen isumaqatiginerarpaa, allatullu ajornartumik ineqartut akiliutaat qaffattariaqalersinnaanerarlugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat