Serbiap Kosovo eqqartuussivilersuunniarpaa

- FN-imi ukiumoortumik ataatsimiittoqarnerani Serbiamiit sakkortuumik piumasaraarput, Kosovop arlaannaannulluunniit pituttorsimannginnerarluni nalunaaruteqarnera nunat tamalaat eqqartuussivissuaaniit qularnaatsumik oqaaseqarfigineqartariaqartoq, Serbiami præsidenti ilaatigut taama issuarneqarpoq.

Februaarip 17-iani albaniamiut taasitinneqarmata amerlanerussuteqartunit Kosovo arlaannaannulluunniit pituttorsimanngitsutut inissinnissaa qinerneqarpoq,

Kosovolu siusinnerusukkut Serbiamut atagaluarpoq.

Præsidentip taassuma aalajangiusimavaattaaq Serbiamiit suli siunertarigitsik nunartik Europami tamani peqatigiissitsisartuussasoq.

Sapaatip-akunneri marluk matuma siorna sorsunnermik pinerluuteqarneragaasoq Radovan Karadzic tigusarineqarpoq, tamatumalu kingorna Serbiap præsidentia aatsaat kingumut tusagassiortunik katersuutitseqqippoq.

Sorsunnermik pinerluuteqartup taassuma tigusarineqarnera kiisalu FN-p eqqartuussiviani eqqartuussaanera Serbiap EU-mut ilaasortanngorusulersinnaaneranut isumaqalersitsigaluarpoq.

Tassami Serbie nunaavoq EU-mi ilaasortaanngitsoq.